गुल्मी, असार १७, २०८२ – कालीगण्डकी गाउँपालिका, गुल्मीमा प्रथम अधिवेशन भव्य रूपमा सम्पन्न भएको छ। यो अधिवेशनले गाउँपालिकाको विकास र समृद्धिका लागि महत्वपूर्ण निर्णयहरू गरेको छ र नव गठित समितिलाई औपचारिक रूपमा स्वागत गरिएको छ।
कार्यक्रममा प्रमुख अतिथिको रूपमा उपस्थित गाउँपालिकाका अध्यक्ष वेद थापा र उपाध्यक्ष मन्जु दर्लामीले नव गठित समितिलाई बधाई दिंदै आगामी कार्यकालका लागि शुभकामना व्यक्त गरे। अधिवेशनमा विभिन्न वडाका जनप्रतिनिधिहरू, केन्द्रीय समितिका पदाधिकारीहरू, स्थानीय संघ–संस्थाका प्रतिनिधिहरू र समुदायका सदस्यहरूको सहभागिता रहेको थियो।
आयोजक समितिका संयोजक भविन्द्र रानाले कार्यक्रमको समन्वयमा महत्वपूर्ण भूमिका निर्वाह गरेका थिए। उनको नेतृत्वमा गाउँपालिकाको टिमले अधिवेशनलाई व्यवस्थित र सफल बनाउन अथक प्रयास गरेकोमा सहभागीहरूले प्रशंसा गरे।
अध्यक्ष वेद थापाले नव गठित समितिलाई गाउँपालिकाको प्राकृतिक, सांस्कृतिक र सामाजिक सम्पदाको संरक्षण गर्दै दिगो विकासमा योगदान पुर्याउन आह्वान गरे। उपाध्यक्ष मन्जु दर्लामीले समुदायको सहभागिता र सहकार्यले मात्र गाउँपालिकालाई समृद्ध बनाउन सकिनेमा जोड दिइन्।
आयोजक समितिका संयोजक भविन्द्र राना र सम्पूर्ण गाउँपालिका टिमप्रति हृदयदेखि आभार प्रकट गर्दै सहभागीहरूले यो अधिवेशनले स्थानीय नेतृत्वलाई थप सशक्त बनाउने विश्वास व्यक्त गरे। नव गठित समितिलाई सफल कार्यकालको शुभकामना दिंदै कार्यक्रम समापन भएको थियो।
