पाल्पा, असार १७, २०८२ – नेपाल मगर महिला संघ केन्द्रीय समितिको आयोजना, नेपाल सरकार आदिवासी जनजाति उत्थान राष्ट्रिय प्रतिष्ठान र निस्दी गाउँपालिकाको समन्वयमा आदिवासी महिलाहरूलाई लक्षित गरी पालिका स्तरीय गुणस्तरीय मर्चा बनाउने तालिम निस्दी गाउँपालिका, पाल्पामा सम्पन्न भएको छ। यो तालिमले आदिवासी मगर समुदायको परम्परागत सीपको संरक्षण र प्रवर्द्धन गर्दै महिलाहरूलाई आत्मनिर्भर बनाउने उद्देश्य राखेको छ।
कार्यक्रमको उद्घाटन र समापन समारोहमा प्रमुख अतिथि, विशिष्ट अतिथि, अतिथिहरू, प्रशिक्षक, केन्द्रीय समितिका पदाधिकारी र सदस्यहरू, सबै वडाका अध्यक्षहरू, कार्यपालिका सदस्यहरू, पत्रकार, सुरक्षाकर्मी, सहभागीहरू र गाउँपालिकाको सम्पूर्ण टिमको उपस्थिति रहेको थियो। तालिममा सहभागी महिलाहरूले मर्चा बनाउने परम्परागत सीपलाई आधुनिक प्रविधिसँग जोड्दै व्यावसायिक रूपमा अघि बढ्ने अवसर प्राप्त गरे।
नेपाल मगर महिला संघ केन्द्रीय समितिले तालिमको आयोजनालाई सफल बनाउन प्रत्यक्ष तथा अप्रत्यक्ष रूपमा सहयोग पुर्याउने सबैप्रति हृदयदेखि धन्यवाद र आभार व्यक्त गरेको छ। साथै, आयोजकले आगामी दिनमा पनि यस्ता सीपमूलक कार्यक्रमहरू सञ्चालन गर्न गाउँपालिका, स्थानीय समुदाय र सम्बन्धित निकायहरूको निरन्तर साथ र सहयोगको अपेक्षा गरेको छ।
यो तालिमले आदिवासी महिलाहरूलाई आर्थिक सशक्तीकरण र परम्परागत सीपको जगेर्ना गर्न महत्वपूर्ण योगदान पुर्याउने अपेक्षा गरिएको छ।
